დავიდე ნიკოლა – დაჩი მოედანზე მშვიდად გამოიყურებოდა

იტალიის საფეხბურთო ჩემპიონატის მიმდინარე სეზონის მეშვიდე ტურში კიდევ ერთი ქართველის დაჩი ლორთქიფანიძის დებიუტი რომ შედგა ამას წინათ კი გამცნეთ. საქართველოს ახალგაზრდული ნაკრების ფეხბურთელი კრემონეზეს რიგებში უდინეზეს წინააღმდეგ მოედანზე მატჩის 61-ე წუთზე გამოჩნდა და იტალიური მედიისგან საქებარი სიტყვებიც დაიმსახურა.

მატჩის შემდეგ, რომელიც ფრედ 1:1 დასრულდა კრემონეზეს მთავარმა მწვრთნელმა დევიდე ნიკოლამ ჟურნალისტებთან ქართველი ფეხბურთელის თამაშიც შეაფასა.

„ბევრი ყვითელი ბარათი დაგვიგროვდა და ლორთქიფანიძის მოედანზე გამოჩენაც ამან განაპირობა. ინტენსივობა ფეხბურთის ნაწილია, რამდენიმე ფეხბურთელს დასვენებაც ესაჭიროებოდა და ამიტომაც აქცენტი დაჩის განვითარებაზე გავაკეთეთ. 

ვფიქრობ, ის მოედანზე მშვიდად გამოიყურებოდა და ნერვიულობა არ ეტყობოდა. თავი კარგად წარმოაჩინა, მაგრამ ჯერ კიდევ ბევრი აქვს სასწავლი. ამაში გასაკვირი არაფერია, დაჩი ჯერ საკმაოდ ახალგაზრდაა და გვჯერა კიდევ უფრო მოუმატებს“ – აღნიშნა კრემონეზეს დამრიგებელმა.

შვიდი ტურის შემდეგ კრემონეზე 10 ქულით მეათე პოზიციაზეა. მომდევნო შეხვედრას კრემონეზე 25 ოქტომბერს ატალანტას წინააღმდეგ გამართავს.