ვინჩენცო მონტელა: მეტოქეობა მხოლოდ მოედანზე, მის გარეთ მეგობრული ურთიერთებობები მნიშვნელოვანია

ხვალ,  თურქეთის ქალაქ იზმითში, ქოჯაელის სტადიონზე,  2026 წლის მსოფლიო ჩემპიონატის საკვალიფიკაციო ეტაპის შეხვედრაში   საქართველოს ნაკრები თურქეთს დაუპირისპირდება. ეს მატჩი შეგვიძლია მოვნათლოთ ბრძოლა მეორე ადგილისთვის. წაგების  შემთხვევაში ვილი სანიოლის გუნდი პრაქტიკულად მთავარ საფეხბურთო ფორუმზე მოხვედრის შანსს დაკარგავს.

მოახლოებულ მატჩზე თურქეთის ნაკრების იტალიელმა მთავარმა მწვრთნელმა, ვინჩენცო მონტელამ ისაუბრა.

“წინა თამაშისგან დიდი დრო გავიდა და ის შევხედრა წარსულს ჩაბარდა.  ხვალინდელ შეხვედრაში ჩვებ მზად ვართ ბრძოლისთვის და მაქსიმალური კონცენტრაციით ვეცდებით სამი ქულის მოპოვებას.  საქართველოსთან მხოლოდ სამი ქულა დაგვაკმაყოფილებს.  დორტმუნდში გამართული თურქეთი-საქართველოს მატჩის მიმდინარეობისას, რომ თურქი ქომაგებისგან საქართველოს ჰიმნზე  სტვენა იყო ნამდვილად არაა სასიამოვნო. ფეხბურთი მხოლოდ მოედანზე ბრძოლა და მის გარეთ სასურველია მეგობრული ურთიერთობების გაღვივება.” – თქვა ვინჩენცო მონტელამ

თურქეთი-საქართველოს შეხვედრა ხვალ, ქოჯაელის სტადიონზე, თბილისის დროით, 22:45 -ზე დაიწყება.