ზიზუ დეშამის მემკვიდრედ?

თავს ნამდვილად ვერ დავდებთ, მაგრამ ვგონებთ საფრანგეთში გამოკითხვა რომ ჩატარდეს შემდეგი კითხვით თუ ვის ისურვებდნენ დიდიე დეშამის მემკვიდრედ ეროვნული ნაკრებში გულშემატკივართა დიდი ნაწილი უპირატესობას ზინედინ ზიდანს მიანიჭებდა.

ცხადია, ვერც იმის უპირობო მტკიცებას დავიწყებთ, რომ დეშამს, რომელიც „მამლებს“ 2012 წლიდან თავკაცობს და 2018 წელს მონდიალიც მოაგებინა უსათუოდ ზიზუ შეცვლის. აი, ის კი ნამდვილად ვიცით, რომ დიდიე დეშამი თანამდებობას გაისად გასამართი მსოფლიო ჩემპიონატის შემდეგ დატოვებს. ამის შესახებ თავად დეშამმაც განაცხადა.

ფრანგული მედია კი აქტუალურად განიხილავს ნაკრების მომავალი მესაჭის საკითხს და თითქმის დარწმუნებით ამბობენ, რომ ამ პოსტს სწორედ ზიდანი დაიკავებს. როგორც პოპულარული გამოცემა L’Équipe წერს დეშამს ზიზუ ჩაანაცვლებს და საამისოდ ზინედინიც არის განწყობილი.

ზინედინ ზიდანი 2021 წლიდან სამწვრთნელო საქმიანობას ჩამოშორებულია, მანამდე კი მადრიდის რეალს თავკაცობდა და სამეფო გუნდს სამჯერ ჩემპიონთა ლიგა მოაგებინა.