მანქანა შეუჩერებელია!

ლას ვეგასში გამართულ შთამბეჭდავ ბრძოლაში მერაბ დვალიშვილმა ამერიკელი კორი სენდჰეგენი დამაჯერებლად დაამარცხა და თავისი საჩემპიონო ამბიციები კიდევ ერთხელ დაამტკიცა.

შეხვედრა მაღალი ტემპით დაიწყო და საწყის რაუნდებში დაპირისპირება თანაბარი იყო, თუმცა მეორე რაუნდიდან „მანქანამ“ დაჩაგრა მეტოქე — დომინანტურად მართავდა ბრძოლას, იერიშზე გადადიოდა და სენდჰეგენი არაერთხელ მიიყვანა ნოკაუტის ზღვრამდე.

ბრძოლა სრულ დისტანციაზე გაგრძელდა, თუმცა მსაჯებმა გამარჯვება ერთხმად ქართველ მებრძოლს მისცეს (49–45, 49–45, 49–46). ამ გამარჯვებით დვალიშვილმა კარიერაში ტიტულის მესამედ წარმატებით დაცვა მოახერხა.

განსაკუთრებული აღსანიშნავია, რომ დვალიშვილმა UFC-ის ისტორიაში უნიკალური მიღწევა დაამყარა — ის პირველი მებრძოლი გახდა, რომელმაც კარიერის განმავლობაში მეტოქე 100-ჯერ გადაიყვანა მიწაზე.

ამჟამად მერაბ დვალიშვილის ანგარიშზეა 25 პროფესიონალური ბრძოლა, საიდანაც 21 გამარჯვებით დასრულდა.