მარიამ ბოლქვაძე: მადლობა ყველას გულშემატკივრობისთვის

ქართველი ჩოგბურთელი მარიამ ბოლქვაძე ჩვენებურთაგან ერთადერთი იყო, ვინც 2026 წლის უიმბლდონის ძირითად ბადეში გააღწია. მარიამს თავი არც იქ შეურცხვენია პირველ ეტაპზე აილა ტომლიანოვიჩი დაამარცხა. თუმცა, შემდეგ ეშლი კრუგერთან უშანსოდ დამარცხდა.

ბოლქვაძემ სოციალურ ქსელში ყველას მადლობა გადაუხადა…

მარიამ ბოლქვაძე:

„დასრულდა ორი კვირა საუკეთესო საფარზე. უღრმესი მადლობა ჩემს გუნდს უიმბლდონის განმავლობაში გაწეული შრომისთვის. განსაკუთრებული მადლობა ჩემს მწვრთნელ საიმონს, ფიზიოთერაპევტ ჯონის და მის გუნდს, რომლებიც ამ სეზონის განმავლობაში ფორმასა და ჯანმრთელობას მინარჩუნებენ. ასევე დედაჩემს, ჯოშსა და ჯოზის.

მადლობა მათ, ვინც მხარს მიჭერდით: დაწყებული მათით, ვინც უიმბლდონზე მგულშემატკივრობდა: დამთავრებული მეზობლების მიერ დატოვებული შეტყობინებებითა და დიდი სიყვარულით საქართველოდან, ეს უდიდესი მოტივაციაა. წინ მიზნისკენ“!

მარიამი უიმბლდონზე კარგი თამაშით რეიტინგში 161 ადგილით დაწინაურდა და ახლა 384-ე ადგილზეა. ფულადი პრიზიც სოლიდური ერგო – 126 000 გირვანქა სტერლინგი.