ქალთა ნაკრები 26 ფეხბურთელით ემზადება

საქართველოს ქალთა ნაკრები მსოფლიო ჩემპიონატის საკვალიფიკაციო ეტაპის ორ მატჩს გამართავს.

5 ივნისს, ჩვენი გუნდი ფარერის კუნძულების ნაკრებს დავით პეტრიაშვილის სახელობის სტადიონზე უმასპინძლებს, ხოლო 9 ივნისს, ჯგუფური ეტაპის დასკვნით მატჩს საბერძნეთის წინააღმდეგ, მიხეილ მესხი 2-ზე გამართავს.

მოახლოებული მატჩებისთვის საქართველოს ნაკრების მთავარმა მწვრთნელმა, ირის ანტმანმა 26 ფეხბურთელი გამოიძახა.

საქართველოს ნაკრების შემადგენლობა

მეკარე: თათია გაბუნია (ნიკე-ლუსო), სვეტლანა გაბელაია, ეკა თაბაგარი (ორივე ლანჩხუთი);

დაცვა: თამარ ტატუაშვილი (ხოლონი, ისრაელი), მარიამ კალანდაძე (პანათინაიკოსი, საბერძნეთი), გვანცა ქადაგიშვილი (ნიკე-ლუსო), მარიამ კაპანაძე, ნათელა წოწერია (ორივე ბათუმი), ნინო ჩხარტიშვილი, ლიზი მწყერაშვილი, სოფიკო ნარსია (ყველა ლანჩხუთი);

ნახევარდაცვა/შეტევა: ნინო პასიკაშვილი, ნათია დანელია, ნინო ბუხრიკიძე, ეთერ სულაშვილი (ყველა ლანჩხუთი), ანა პავლიაშვილი, კესო მეტონიძე, ირინა ხაბურზანია, თეკლა ბერიძე, ელენე ბოლქვაძე (ყველა ნიკე-ლუსო), ნატა კვირკვაია (ვერე), თინათინ ამბალია (სპარტა, ჩეხეთი), ლიზი კანკია (კვარტალი), მაიკო ბებია (იუქსეკოვასპორი, თურქეთი), ანა ჩემინავა (თელ-ავივი, ისრაელი), სოფი ხელაშვილი (ოჰაიო, აშშ).