ირის ანტმანი მომავალში გამართლების იმედად არის

საქართველოს ქალთა ნაკრებმა მსოფლიო ჩემპიონატის საკვალიფიკაციო ეტაპზე ასპარეზობა დაასრულა. საბერძნეთის ნაკრებთან გამართული უხვგოლიანი შეხვედრა სტუმართა გამარჯვებით დასრულდა – 3:2.

აღსანიშნავია, რომ ხუთივე გოლი ბერძნებმა გაიტანეს: სამი ჩვენს კარში, ხოლო ორიც – საკუთარში. საბერძნეთი მე-3 წუთზე გეორგია ხალაცოიანის გოლით დაწინაურდნენ; სამ წუთში ლიზი მწყერაშვილმა საჯარიმო დარტყმა ჩააწოდა მარინა თეოდორაკიმ ბურთი საკუთარ კარში ჩაჭრა; 22-ე წუთზე თეოდორაკიმ უკვე ჩვენს კარში გაიტანა და საბერძნეთი დააწინაურა; მეორე ტაიმში კალისტი ბრუკშაირის გოლით ბერძნებმა ორბურთიანი უპურატესობა მიირეს; 63-ე წუთზე ისევ მწყერაშვილის ჩაწოდება სტანდარტულიდან და გოლი საკუთარ კარში ამჯერად ეფთიმია ბრამემ გაიტანა.

მატჩის ბოლოს ირის ანტმანის გუნდს გათანაბრების რამდენიმე კარგი შესაძლებლობა ჰქონდა, მაგრამ ანგარიში აღარ შეცვლილა.

ირის ანტმანი:

„ამ შეკრების ორივე მატჩში (პირველი ფარერებთან 2:3) ბევრი საგოლე მომენტი გვქონდა. ისევე როგორც მანამდე, სტუმრად, ფარერებთან. სამწუხაროდ, ამ საკვალიფიკაციო ეტაპისთვის ყველაზე შესაფერისი სიტყვა უიღბლობაა…

ჩვენი გულშემატკივრების წინაშე, საკუთარ მოედანზე, ყველამ აჩვენა, რომ ამ გუნდს, პირველ რიგში, ძლიერი მენტალიტეტი აქვს. ვფიქრობ, მთელი საკვალიფიკაციო ეტაპის განმავლობაში ეს ნათლად გამოჩნდა და სწორედ ამით უნდა ვიამაყოთ.

დიახ, ფეხბურთში ყოველთვის შედეგებზე ვსაუბრობთ, მაგრამ ვიხილეთ ბევრი ფეხბურთელი, რომლებმაც პირველად მიიღო ასეთი შანსი. ვფიქრობ, შეგვიძლია ვიამაყოთ, რომ კარგი თაობა მოდის. აქედან გამომდინარე, იმ იმედით უნდა დაველოდოთ მომდევნო საკვალიფიკაციო ეტაპს, რომ უფრო მეტად გაგვიმართლებს“.