ყველაფერი ხდება – ოქრო გერმანული, ჰიმნი ქართული

ასეთი რამ არაერთხელ მომხდარა, თუმცა ვგონებთ პირველია საქართველო რომ ფიგურურებდეს. ყველა ღონისძიების, სპორტული იქნება ეს, მუსიკალური თუ ნებისმიერი სხვა ორგანიზებას ხომ ადამიანები უწევენ და შეცდომებისგანაც დაზღვეული არავინაა.

ჰოდა, ბრაზილიაში, კერძოდ კი რიო დე ჟანეიროში მხატვრულ ტანვარჯიშში მიმდინარე მსოფლიო ჩემპიონატზე სახალისო რამ მოხდა. მრავალჭიდის დისციპლინაში ჩემპიონი რუსი დარია ვარფოლომეევი გახდა, რომელიც გერმანიის სახელით ასპარეზობს. დაჯილდოების ცერემონიალზე, კვარლცხბეკის უმაღლეს საფეხურზე შედგომის შემდეგ კი ორგანიზატორებმა გერმანიის ნაცვლად საქართველოს ჰიმნი ჩართეს და თან უწყვეტად. გაგერმანელებულ რუს სპორტსმენსაც ჩვენი ქვეყნის ჰიმნზე მოუწია დგომა.

პლანეტის პირველობაზე ბრაზილიაში ჩვენი ქვეყნიდან მხოლოდ მარიამ ქაჯაია იყო წარმოდგენილი, რომელმაც მრავალჭიდში ანუ ოთხი საგნით ვარჯიშში ოდენ 69-ე ადგილი დაიკავა.