ჩავი ოცნებების თეატრში? – ცუდად არ ჟღერს

ალბათ დროის ამბავია და რუბენ ამორიმის კარისკენ მიუთითებენ. არა გვგონია, მანჩესტერ იუნაიტედის ხელმძღვანელობა პორტუგალიელი სპეციალისტის მუშაობით და მითუფრო შედეგებით კმაყოფილი იყოს.

კი, წინა სეზონში ამორიმმა  „წითელი ეშმაკები“ ევროპა ლიგის ფინალში გაიყვანა, თუმცა იქ სხვა ინგლისურ კლუბთან – ტოტენჰემთან დამარცხდა. პრემიერლიგაშიც საქმეები არცთუ ისე სახარბიელოდ მიდის და გუნდიც ოდენ შვიდი ქულით მე-11 ადგილზეა.

მოკლედ, მანჩესტერ იუნაიტედში რომ რაღაც ძირეული ცვლილებებია საჭირო ეს აშკარაა და როგორც ესპანური მედია იუწყება რუბენ ამორიმის დროც მალე ამოიწურება, მის შემცვლელად კი ჩავი ერნანდესს განიხილავენ.

ჩავი ამჟამად უმუშევარია, მანამდე კი 2021-24 წლებში მის მშობლიურ ბარსელონას წრთვნიდა. ჩავი ერნანდესის სახელი თითქოს ლევერკუზენსაც დაუკავშირეს, თუმცა ფაქტია, რომ გერმანულმა გუნდმა სხვა მწვრთნელს უხმო.

დაველოდოთ მოვლენების განვითარებას. ისე, ჩავი ერნანდესი და ოცნებების თეატრი ცუდად ნამდვილად არ ჟღერს.