საფრანგეთის ელიტარული სარაგბო ჩემპიონატის, Top 14-ის, სეზონი დასასრულს უახლოვდება. რეგულარული სეზონის დასრულებამდე 2 ტურიღა დარჩა, რომლის შემდეგაც პლეიოფები დაიწყება.
ქართველების ლიონს, რომელიც პარასკევს ჩელენჯ თასის ფინალში ითამაშებს, პლეიოფში გასვლის შანსი ჯერ კიდევ შენარჩუნებული აქვს. რურისპირელთა მაისურით წელს ბოლო სეზონს ატარებს დავით ნინიაშვილი. 22 წლის ქართველი უკანახაზელი მომავალი სეზონიდან ლა როშელს შეუერთდება.
Screenshot
ნინიაშვილი ლიონს 2021 წელს სარაგბო კლუბ ხვამლიდან შეუერთდა და პირველოვე სეზონში კლუბთან ერთად ჩელენჯ თასი მოიგო.
Screenshot
დავით ნინიაშვილს “ლიონის” შემადგენლობაში 74 შეხვედრაში 26 ლელო და 3 ჯარიმა დაუგროვდა. 2022 წელს “ნინიმ” Midi Olympique-ს მიერ დაწესებული პრიზი სარაგბო ოსკარი მოიგო, როგორც საფრანგეთის ჩემპიონატის საუკეთესო ახალგაზრდა მორაგბე.
მოკლედ, ნინიაშვილმა ლიონში ისტორია შექმნა და 23 მაისს შეცდება რურისპირელებს ტიტულით დაემშვიდობოს. ჩელენჯ თასის ფინალში, კარდიფის “პრინსიფალითიზე” (ყოფილი მილენიუმი) ლიონი ინგლისურ ბათს შეხვდება.
ნინიაშვილის გარდა, ლიონის ღირსებას:ირაკლი აფციური, ბექა საღინაძე და ბექა შვანგირაძე იცავენ. შვანგირაძე საოპერაციოაა და მისთვის სეზონი დასრულებულია. ფინალში საეჭვოა ბექა საღინაძის თამაშიც.
