საქართველოს 7-ქალა მორაგბეთა ნაკრები რაგბი ევროპის ჩემპიონატისთვის ემზადება. ჯაბა მალაღურაძის გუნდი საფრანგეთის ქალაქ ტურში არიან, სადაც 24-25 მაისს ტურის საერთაშორისო ტურნირზე მიიღებენ მონაწილეობას. ტურში გუნდს შეუერთდა ირმა გულიაშვილი, რომელიც ნაკრებს ერთწლიანი პაუზის შემდეგ უბრუნდება. ირმა სარაგბო კარიერას ესპანეთში აგრძელებს.
7-ქალა ნაკრები წელს, ისტორიაში პირველად, იასპარეზებს რაგბი ევროპის ჩემპიონატის ელიტარულ დივიზიონში. პირველ ეტაპზე, რომელსაც მაკარსკა(ხორვატია) უმასპინძლებს, ჩვენი გუნდი A ჯგუფში იასპარეზებს და მეტოქეები: საფრანგეთი, ჩეხეთი და ირლანდია იქნებიან.
