აინარს ბაგაცკისი: საქართველო საკუთარ კედლებში საშიშია

2027 წლის მსოფლიო ჩემპიონატის საკვალიფიკაციო ეტაპზე საქართველოს კალათბურთელთა ნაკრები პირველ მატჩს 27 ნოემბერს უკრაინასთან გამართავს.

თბილისში ჩამოსვლამდე უკრაინელთა ლატვიელმა მთავარმა მწვრთნელმა აინარს ბაგაცსკისმა ისაუბრა.

„ამ მატჩების წინ დიდი დანაკლისი გვაქვს. ვიტალი ზოტოვი და ისუფ სანონი ტრავმების გამო ვერ ითამაშებენ, ილია სიდოროვი ოჯახური მიზეზის გამო გუნდისთვის დახმარებას ვერ ახერხებს. ბლიზნიუკის იმედი გვქონდა, მაგრამ ტაივანში გააფორმა კონტრაქტი და არც მისი მოწვევა გამოდის. შესაბამისად, ჩვენს წინაშე არსებული ამოცანებების გადაწყვეტა იმ შემადგენლობით მოგვიწევს, რომელიც გვყავს.

თბილისური მატჩი ქართული კალათბურთისთვის მნიშვნელოვანი დღეა, რადგან ნაკრებში გამოსამშვიდობებელ თამაშს გიორგი შერმადინი ითამაშებს. ქართველებს არ ეყოლებათ NBA-ს კალათბურთელები, მაგრამ იქნება თად მაკფადენი. საქართველოს ნაკრებში ყოველთვის სურს თამაში თორნიკე შენგელიას (დიდი ალბათობით, შენგელია ვერ ითამაშებს). ისინი შეთამაშებულები არიან. მათაც კი, რომლებიც ევრობასკეტზე იშვიათად თამაშობდნენ, იციან, რა როგორ უნდა გააკეთონ. საქართველოს ნაკრები საშიში მეტოქეა, განსაკუთრებით საკუთარ კედლებში.

დანია ევრობასკეტის წინა შესარჩევში კარგად თამაშობდა და სულ ცოტა დააკლდა კვალიფიცირებამდე. უსამოვნო გუნდია და ბევრი რამ იმაზე იქნება დამოკიდებული, ეყოლება თუ არა ევროლიგის მოთამაშეები. თუმცა, ტალანტი არ აკლიათ“, – თქვა ბაგაცკისმა.

საკვალიფიკაციო A ჯგუფში ამ გუნდების გარდა ესპანეთი და დანიაც არიან. ჯიკიჩის გუნდს 30 ნოემბერს, ესპანეთთან სტუმრად უწევთ თამაში, ხოლო კიდევ ოთხ თამაშს 2026 წელს გამართავს.