“არ მჯერა, მაგრამ მერაბისთვის ბოდიში მაქვს მოსახდელი”, – UFC-ს ანალიტიკოსი

დღეს გამთენიისას გულშემატკივარმა UFC-ს მორიგი ივენთი იხილა, სადაც საშუალო წონით კატეგორიაში ორგანიზაციას ახალი ჩემპიონი, ხამზატ ჩიმაევი გამოუჩნდა.

ჩიმაევმა დრიკუს დუ პლესისი მსაჯების ერთსულოვანი გადაწყვეტილებით დაამარცხა და ახალი ჩემპიონი გახდა. თუმცა, მიუხედავად იმისა, რომ ამ ბრძოლაზე დიდი ავანსები იყო გაცემული, მან მაყურებლის მოლოდინი ვერ გაამართლა, რადგან მათი უმრავლესობა წერს, რომ ჩხუბი ძალიან მოსაწყენი და ერთფეროვანი იყო.

იმავე აზრს იზიარებს UFC-ს ერთ-ერთი მთავარი ანალიტიკოსი, MMA Guru. იგი მერაბ დვალიშვილის ერთ-ერთი დიდი კრიტიკოსი იყო, მიზეზი კი დვალიშვილის  ჭიდაობაზე ორიენტირებული ბრძოლაა, რაც სანახაობას მეორე პლანზე წევს. დღევანდელი ბრძოლის შემდგომ კი MMA Guru წერს, რომ ქართველ მებრძოლთან მობოდიშების დროა:

“არ მჯერა, რომ ამას ვწერ, მაგრამ ჩემგან მერაბ დვალიშვილი მობოდიშებას იმსახურებს. ვერ ვხვდებოდი, რამდენად ცდილობდი, რომ ბრძოლები სანახაობრივი ყოფილიყო, მაგრამ დღევანდელმა ბრძოლამ თვალები ამიხილა. მერაბ, ამ ყველაფრის შემდეგ, რაც ვნახე, შენ ძალიან საინტერესო ხარ”, – წერს ის.