იაპონიასთან ხუთი ცვლილებით და ორი დებიუტანტით

22 ნოემბერს საქართველოს ნაკრები მიხეილ მესხზე იაპონიას დაუხვდება. ბორჯღალოსნებისთვის ამ მატჩს დიდი მნიშვნელობა აქვს – გამარჯვების შემთხვევაში ადგილს იმ 12 საუკეთესო გუნდში დავიბევებთ, რომელიც მსოფლიო თასის წილისყრისთვის უკეთეს განთესვას მოგვცემს.

ნაკრების მთავარმა მწვრთნელმა რიჩარდ ქოქრილმა იაპონიასთან სათამაშო 23-კაციანი შემადგენლობა დაასახელა.

შემადგენლობაში ხუთი ცვლილებაა, ხოლო მარქაფაში ორი დებიუტანტია – ლა როშელის კვაჭი ნიკოლოზ სუთიძე და შავი ლომის ბურჯი კახაბერ დარბაიძე.

საქართველოს ნაკრების შემადგენლობა იაპონიასთან:

ხაზი: დავით ნინიაშვილი, აკაკი ტაბუცაძე, გიორგი კვესელაძე, თორნიკე კახოიძე, დემე თაფლაძე, თედო აბჟანდაძე, ვასილ ლობჟანიძე;

შერკინება: გიორგი ახალაძე, ირაკლი ქვათაძე, ირაკლი აფციაური, მიხეილ ბაბუნაშვილი, ლადო ჩაჩანიძე, თორნიკე ჯალაღონია, ბექა საღინაძე, ბექა გორგაძე;

მარქაფა: ნიკოლოზ სუთიძე, გიორგი მამაიაშვილი, კახაბერ დარბაიძე, გიორგი ჯავახია, ლუკა ივანიშვილი, სანდრო მამამთავრიშვილი; გელა აფრასიძე, ლუკა მატკავა.