მოულოდნელი ცვლილება – ცნობილია ვინ იქნება პსჟ-ს ახალი კაპიტანი

საფრანგეთის წამყვანი გამოცემა L’Équipe იუწყება, რომ პარი სენ-ჟერმენში კაპიტნის საკითხი კვლავ განხილვის საგანია.

ფრანგული მედიის ინფორმაციით, კლუბმა ბორნმუთიდან ახალგაზრდა უკრაინელი მცველი ილია ზაბარნი დაიმატა, რაც მიანიშნებს, რომ 31 წლის მარკინიოსის კონკურენცია მომავალში სერიოზულად გაიზრდება. ბრაზილიელს უკვე ეჭვი ექმნება, რომ ძირითადი შემადგენლობის უცვლელი ფიგურა ვეღარ იქნება, შესაბამისად კაპიტნის სამკლავურიც შეიძლება დაკარგოს.

ზაბარნიმ ევროპის სუპერთასზე ტოტენჰემის წინააღმდეგ დებიუტი ვერ მოახერხა, თუმცა სიმბოლურად მედალი მარკინიოსმა თავად გადასცა.

გუნდში არანაკლებ ინტერესს იწვევს ჯანლუიჯი დონარუმას მოულოდნელი წასვლა, რის შემდეგაც კაპიტნის ვინაობა კიდევ უფრო აქტუალური გახდა. პრეტენდენტებად L’Équipe ასახელებს აშრაფ ჰაკიმის, უსმან დემბელესა და ვიტინიას.

ლუის ენრიკე, პარიზელთა მთავარი მწვრთნელი, აცხადებს, რომ არჩევანს თავად ფეხბურთელები გააკეთებენ:

„ჩვენ გვჭირდება კაპიტანი, რომელიც გუნდის ნდობას მოიპოვებს, ეს გადაწყვეტილება მათზეა დამოკიდებული.“

შეგახსენებთ, რომ მარკინიოსი პსჟ-ს კაპიტანი 2020 წლიდან არის, მას შემდეგ, რაც ტიაგო სილვამ კლუბი დატოვა.