საქართველო მეორე ადგილისთვის იბრძოლებს

საქართველოს ქალთა ნაკრები ერთა ლიგის ც დივიზიონის დასკვნით მატჩს 3 ივნისს გამართავს. ირის ანტმანის გუნდი კვიპროსის ნაკრებს უმასპინძლებს და გამარჯვების შემთხვევაში ჯგუფში მეორე ადგილს დაიკავებს. თუმცა, ფლეი ოფში გასასვლელად მარტო ჩვენი მოგება არ გვყოფნის, რადგან ორ საუკეთესო მეორეადგილოსანში მოსახვედრად ბოლო ადგილოსანთან მოგებული ორი მატჩის ქულები გამოგვაკლდება.

მატჩისწინა ვარჯიში საქართველოს ქალთა ნაკრებმა შეხვედრის მასპინძელ მიხეილ მესხი 2-ზე ჩაატარა.

გუნდი დანაკლისით ხვდება მატჩს: დისკვალიფიკაციის გამო, კვიპროსთან ნინო პასიკაშვილი, ტატა მატვეევა და ლიზი მწყერაშვილის ვერ ითამაშებენ. სამაგიეროდ, გუნდს დაუბრუნდა თეონა ბაქრაძე, ვინაც ანდორასთან (2:1) სტუმრად მოგებული მატჩი გამოტოვა. კვიპროსთან მატჩისთვის სანაკრებო შეკრებას ასევე ელენე ჩიქოვანი და ნინო ბუხრიკიძე შეუერთდნენ.

საქართველო-კვიპროსის მატჩი 3 ივნისს, მიხეილ მესხი 2-ზე 21:00 საათზე დაიწყება. დასწრება თავისუფალია.

საქართველოს ქალთა ნაკრების შემადგენლობა

მეკარე: თათია გაბუნია (ლანჩხუთი), ეკა თაბაგარი (სამეგრელო), სვეტლანა გაბელაია (ნიკე-ლუსო);

დაცვა: გვანცა ქადაგიშვილი, სოფო ნარსია, სალომე გასვიანი, ელენე ენჯიბაძე (ყველა ნიკე-ლუსო), მარიამ კალანდაძე (ლანჩხუთი), ნინო ჩხარტიშვილი, ანი აკობიძე (ყველა ლანჩხუთი), თამარ ქველიძე (ეტლინგვაიერი, გერმანია);

ნახევარდაცვა: ნათია დანელია, ელენე ჩიქოვანი, ნინო ბუხრიკიძე, ირინა ხაბურზანია (ყველა ნიკე-ლუსო), ელენე ბოლქვაძე (ბათუმი), ანანო წიქარიძე (ლანჩხუთი), კესო მეტონიძე (რაჭა) მაიკო ბებია (იუქსექოვასპორი, თურქეთი), ნათია ჯოჯუა (ელიტა);

თავდასხმა: თინათინ ამბალია (კვარტალი), თეონა ბაქრაძე (ნიკე-ლუსო), ანასტასია ბოლქვაძე (ლანჩხუთი).