უზბეკეთი მსოფლიოზე – მესხი მწვრთნელი ისტორიას ქმნის

2026 წლის მსოფლიო ჩემპიონატზე კიდევ ერთი დებიუტანტი გვეყოლება – უზბეკეთის ეროვნული ნაკრები! 6 ივნისს, ისტორიული მიზანი ოფიციალურად შესრულდა – ტაშკენტელებმა კატარის საგზური გაინაღდეს.

უზბეკეთს გადამწყვეტ შეხვედრაში ფრეც ყოფნიდა, რაც წარმატებით შეძლეს – სტუმრად 0:0 არაბთა გაერთიანებულ ემირატებთან და მსოფლიო ჩემპიონატისაკენ კარი საბოლოოდ გაიხსნა!

უზბეკეთის ნაკრებს  43 წლის თემურ კაპაძე თავკაცობს – წარმოშობით თურქი მესხი, რომლის წინაპრებიც საქართველოდან, ომის პერიოდში შუა აზიაში გადაასახლეს. კაპაძე – რეალურად გვარად კოპაძეა, რაც მაშინდელმა სისტემამ შეცვალა.

თავად თემურ კაპაძე უზბეკეთის ფეხბურთის ისტორიაში ერთ-ერთი ყველაზე ტიტულოვანი მოთამაშეა – ეროვნულ ნაკრებში ჩატარებული 119 მატჩი, 10 გოლი და არაჩვეულებრივი საკლუბო კარიერა. კაპაძე 13-გზის ეროვნული ჩემპიონია – 12-ჯერ უზბეკეთში (ბუნიოდკორი, ფახთაქორი, ლოკომოტივი, ნეფტიანიკი), ერთხელ კი ყაზახეთის ლიგაში.

საინტერესო დეტალია, რომ იგი იმ პერიოდში თამაშობდა, როცა ტაშკენტის ბუნიოდკორი ბრაზილიური ვარსკვლავებით იყო გაჯერებული – კლუბში რივალდოც ირიცხებოდა, ხოლო თავკაცებად ლეგენდარული ლუიზ ფელიპე სკოლარი და ზიკო მუშაობდნენ. კაპაძეს სწორედ მათთან ერთად მოუწია მუშაობა – რივალდოს გვერდით თამაშობდა, ხოლო ზიკო და სკოლარი წვრთნიდნენ.

შუა აზიის რესპუბლიკებიდან დამოუკიდებლობის მოპოვების შემდეგ, ყველაზე სტაბილური და წარმატებული ნაკრები სწორედ უზბეკეთია. საბჭოთა პერიოდში მათი სიმბოლო ტაშკენტის ფახთაქორი იყო.