ფუტსალის ნაკრები ევროპას მიუახლოვდა

საქართველოს ფუტსალის ნაკრებმა ევროპის ჩემპიონატის საკვალიფიკაციო ეტაპის ფლეი ოფის პირველ მატჩში სლოვაკეთის ნაკრებს უმასპინძლა, 4:1 დაამარცხა და ევროპის ჩემპიონატისკენ დიდი ნაბიჯი გადადგა.

ავთანდილ ასათიანის გუნდმა თამაშის დასაწყისში ცოტა გვანერვიულა და მეკარე ბუკიას რამდენიმე რთული ბურთის მოგერიება მოწია. თუმცა, ჩვენებმა მალე დაალაგეს თამაში, რამაც სასურველი შედეგი გამოიღო. პირველ ტაიმში არჩილ სებისკვერაძემ გაიტანა, რასაც მეორე ტაიმის დასაწყისში გიორგი ჩიმაკაძემ მეორეც მიამატა და უპირატესობა კომფორტული გახდა. ასისტენტობა შოთა თოფურიამ და გიორგი ღავთაძემ გაწიეს.

ამის შემდეგ სლოვაკეთი გააქტიურდა და ერთი გოლი გაქვითა. მატჩის დამთავრებამდე 15 წუთი რჩებოდა და გოლის გატანას უფრო საქართველო ცდილობდა და დაუფასდა: ჯერ იმავე სებისკვერაძემ შეაგდო ჯარიმა, მაგრამ მეტოქის მეკარის წვილილიც დიდი იყო; მერე შოთა თოფურიამ დაასრულა კარგი შეტევა.

საბოლოოდ, 4:1 და საქართველო საპასუხო მატჩისთვის კარგი განწყობით გაემართება. სლოვაკეთში გუნდები 23 სექტემბერს ითამაშებენ.