ლიგის მოგება ისევ შეგვიძლია – ბევრი რამ შეიცვალა!..

ჩემპიონთა ლიგის ფინალის კვირაა. წინა წლებში იმას განვიხილავდით, ჩვენი საყვარელი გუნდი გადამწყვეტ მატჩში თუ თამაშობდა ან იმას, ფეხბურთი როგორი პრაგმატული გახდა და რა მაგარი თამაშები იყო წლების წინ, ახლა კი მთავარი სასაუბრო თემა შეიცვალა. ქართველ ფეხბურთელს ჩემპიონთა ლიგის მოგება 2007 წლის შემდეგ ისევ შეუძლია – ხვიჩა კვარაცხელიას.

ვაღიაროთ, პსჟ ჩვენი საყვარელი გუნდი არასდროს ყოფილა და “ინტერს” მეტი გულშემატკივარიც ჰყავს, მაგრამ ახლა ეს შეიცვალა. მანამდე პარიზელთა სატრანსფერო პოლიტიკაც შეიცვალა – უკვე ყველაფრის მნახველ, ძვირადღირებული ვარსკვლავებიდან მოტივირებულ ბიჭებამდე, რომლებსაც ბევრი რამ ჯერ კიდევ დასამტკიცებელი აქვთ. ხოდა, ამტკიცებენ კიდეც…

ხვიჩა კვარაცხელიამ ერთხელ თქვა, რომ მისი მთავარი საფეხბურთო ოცნება ჩემპიონთა ლიგაა, ხოდა ამასათან ის ახლოსაა, ძალიან ახლოს… კარგი ისაა, რომ ვიცით, ბოლო წლების წარმატება “კვარასთვის” კიდევ უფრო მეტის მისაღწევად დამატებითი მოტიცაციაა და არა მიღწეულით ტკბობა!..