ლივერპული კვლავ ვერ იგებს – იუნაიტედმა სამი ქულა მოიპარა

პრემიერ ლიგის ახალი სეზონი ლივერპულმა არც თუ ისე დამაჯერებლად დაიწყო, გუნდის წაგებათა სერია კი ალისონ ბეკერის ტრავმასა და გიორგი მამარდაშვილის ძირითად შემადგენლობაში დაყენებას მოჰყვა.

ინგლისის ჩემპიონატის მე-8 ტურში ინგლისური ფეხბურთის ერთ-ერთი კლასიკა, ლივერპული – მანჩესტერ იუნაიტედი ვიხილეთ. შესაშურ ფორმაში არცერთი გუნდი არაა, თუმცა საკმაოდ მოულოდნელად, წითელმა ეშმაკებმა სტუმრად, ენფილდზე სამი ქულა მოიპოვეს.

ანგარიში მეორე წუთზე ბრაიან მბიუმომ გახსნა, ტაიმი კი რუბენ ამორიმის გუნდმა მოიგო. ანგარიშის გათანაბრება 78-ე წუთზე კოდი გაკპომ შეძლო, თუმცა სტუმრებმა 84-ე წუთზე ჰარი მაგუაიერის გამარჯვების გოლით მოიგეს.

გიორგი მამარდაშვილი ლივერპულის ძირითადი მეკარე იყო. გაშვებული ორი გოლის გარდა გიორგიმ ორი სეივის გაკეთება შეძლო, თუმცა საბოლოო შედეგი, რა თქმა უნდა, არადამაკმაყოფილებელია – მორიგი მარცხი და ორი გაშვებული გოლი.