მუსა ნიასატე: მე და ჟორჟმა პირობა დავდეთ…

მიუხედავად იმისა, რომ ამის სურვილი თავად დიდად არ ჰქონია, კლუბის ფინანსური ვალდებულებების გამო, გიორგი მიქაუტაძემ ლიონი დატოვა და ვილიარეალს მიაშურა.

ქართველი ფორვარდი ფრანგმა ქომაგმა დიდი სიყვარულით გააცილა. საინტერესო და ემოციური ისტორია მოჰყვა მიქაუტაძის გუნდელმა მუსა ნიახატემ:

“ბოლო 72 საათი ჩვენთვის ძალიან რთული იყო. მიქაუტაძე ძალიან კარგი ბიჭია, ეს ნამდვილად ასეა. 10 წლის წინ, მისთვის წასვლა მარტივი არ იყო, ხოლო გასულ წელს სწორედ ლიონში იმისთვის დავბრუნდით, რომ ერთად მოგვეგო ტიტულები.

ახლა პატარა ამბავს მოგიყვებით. გასულ წელს რენის წინააღმდეგ ცუდად ვითამაშე, ჩემს შეცდომას გოლი მოჰყვა, მიქაუტაძემ კი პენალტი გააფუჭა.  გასახდელში ერთმანეთს ვუთხარით, რომ ლიონიდან იქამდე არ წავიდოდით, სანამ ერთად ტიტულს არ მოვიგებდით, მაგრამ, რას ვიზამთ, ეს ფეხბურთია და ასეთებიც ხდება.

მიქაუტაძე ესპანეთში “ცუდ” რაღაცებს გააკეთებს”, – განაცხადა მან.