ბოკემ კლასი გვაჩვენა

საქართველოს მორაგბეთა ნაკრებმა ზაფხულის ტესტები სამი მარცხით დაასრულა. დღეს, ბორჯღალოსნები მსოფლიოს მოქმედ ჩემპიონს სამხრეთ აფრიკას ლეგენდარულ “მბომბელაზე” დაუპირისპირდნენ და 10:55 დამარცხდნენ.

დღევანდელი მატჩი ისტორიული გამოდგა ალექსანდრე თოდუასთვის. “კოჭომ” ბორჯღალოსნების კვართი 122-ე შეხვედრაში მოირგო, რითაც დავით კაჭარავას გაუთანაბრდა. რიჩარდ ქოქრილმაც და  “სპრინგბოქსის” მთავარმა მწვრთნელმა რასი ერასმუსმა აქცენტი ძალისმიერ თამაშზე გააკეთეს. ბორჯღალოსნებს მარქაფა 6/2-ზე (შერკინება/ხაზი) აფრიკელებს კი, სულაც 7/1-ზე ყავდათ.

მატჩი საქართველოს ნაკრებისთვის იდეალურად დაიწყო. მასპინძელთა  ხუთმეტრიანში მოგებული დერეფნის შემდეგ, ვანო კარკაძე მოლს მოწყდა და ლელო დაამიწა. ლუკა მატკავას გარდასახვა ზუსტი იყო და მსოფლიოს ჩემპიონთან 7:0 დავწინაურდით. ამის შემდეგ, მთელი პირველი ნახევარი საქართველოს ნაკრებს ტერიტორიული უპირატესობა ჰქონდა და ბურთს მეტად აკონტროლებდა, მაგრამ ჩემპიონებმა კლასით მოიპოვეს უპირატესობა. რასი ერასმუსის  შეგირდებმა პირწმინდად მოიგეს ჰაერში თამაში და ფეხით დატყმული ბურთებით დიდ უპირატესობას ჰქმნიდნენ. სამხრეთ აფრიკის ნაკრებმა შესვენებამდე 4 ლელო დადო. ლელოებით თავი ვან დერ მერვემ(2), ვენტერმა და მუდმა გამოიჩინეს.

მეორე ნახევარიც ანლოგიურად წარიმართა და აფრიკელები უპირატესობას სულ უფრო მეტად ზრდიდნენ. განსაკუთრებით, აფრიკელთა ჰავბეკის ფაფ დე კლერკის გამოსვლის შემდეგ. სამხრეთ აფრიკამ მეორე ტაიმში ოთხი  ლელო დაგვიფოდო. ვან დერ მერვემ   მესამედ დაგვალელოვა. ორჯერ  დე ალენდემ და ერთხელ  ვილემსემ და პოლარდმა დაგვალელოვა.

საბოლოოდ, 55:10 სამხრეთ აფრიკა  უკეთესი იყო ჰაერში, უკეთესად ითამაშა ფეხით და უბრალოდ კლასით მოგვიგო.