გამოგვიწერეთ

ნაკრები

საქართველო ჩემპიონის ჩემპიონია, ტაბუცაძე ხუთეულში

გააზიარეთ

მსოფლიო რაგბის ერთა თასის პირველი გათამაშების ბოლო მატჩში ერთმანეთს ორი ჩემპიონი – საქართველო და აშშ შეერკინა. მიხეილ მესხზე მეტოქე ძალიან დავჩაგრეთ – 38:10.

აქამდე გუნდებმა განვლილი ხუთი მატჩიდან ხუთივე მოიგეს, ოთხში ბონუს-ქულაც აიღეს და ჯამში 24-24 ქულა მოაგროვეს. შედეგად, ბოლო ტურის წინ ისინი მეტოქეებისთვის მიუწვდომელი გახდნენ და საქართველო ევროპა-აზია-აფრიკის ჯგუფის, ხოლო აშშ ამერიკა-წყნარი ოკეანის ჯგუფის ჩემპიონად გამოცხადდა.

ამერიკელები თავიდან გაგვიძალიანდნენ და მეტოქეს ვერცერთ კომპონენტში ვერ ვჯობდით. ის კი არა, გვიანი ბოჭვისთვის თორნიკე კახოიძე გაგვიგდეს, ამერიკელებმა მეტობა გამოიყენეს და ჯარიმით დაწინაურდნენ.

მერე ჩვენმა გუნდმა გაილაღა. მცირე იღბალიც ჩვენს მხარეს იყო და ჯერ კიდევ პირველივე ტაიმში ივანიშვილმა და შველიძემ ლელოები მიითვალეს, რომლებიც მატკავამ გარდასახა; შესვენების შემდეგ კი ივანიშვილმა დუბლი მიითვალა, დუბლი შეასრულა ტაბუცაძემაც, ვისაც 65 მატჩში 58 ლელო მიითვალა და ამ მაჩვენებლით მსოფლიოს საუკეთესო მელელოვეების სიაში ახალ ზელანდიელ ვილ ჯორდანს გაასწრო და უკვე ხუთეულში შეაბიჯა. ქართველი ფრთის წინ უელსელი შეინ უილიამსია, რომელსაც 60 ლელო აქვს გატანილი, სიას კი 69 ლელოთი იაპონელი დაისუკე ოჰატა ლიდერობს.

ტაბუცაძის ორივე ლელოში ნინიაშვილის წვლილი დიდია. პირველ შემთხვევაში დასრულება მარტივი იყო, მეორეს დროს კი აკაკიმ 50 მეტრამდე მაგრად ირბინა. დაახლოებთ ისეთი გაიტანა, რომელიც მის დუბლს შორის პაპუნაშვილმა დადო. აი, პაპუნაშვილის ლელოში უკვე საღინაძის ჩინებული ქმედებაა გამოსარჩევი.

ბოლოს ერთი ლელო ამერიკელებმაც დადეს და მატჩიც ასე მორჩა…

მთლიანობაში კარგი თამაში გვქონდა, მაგრამ საკმაოდ დიდი წუნი გამოჩნდა დერეფანში, რომელიც სასწრაფოდ გამოსასწორებელია.

რეკლამა

იხილე მეტი

ნოემბერი 2026
ო ს ო ხ პ შ კ
 1
2345678
9101112131415
16171819202122
23242526272829
30  

იხილეთ სრულად ნაკრები