საქართველოს ნაკრებმა ივნისის სანაკრებო პაუზის დროს პირველი ამხანაგური მატჩში რუმინეთს გაეჯიბრა და 1:1 ეთამაშა.
მატჩი პრესკონფერენციაზე ვილი სანიოლმა შეაფასა.
ვილი სანიოლი:
„ჩემი აზრით, ამ მატჩში დიდი წინსვლა და პროგრესი გვქონდა. ხარისხისა და ინტენსივობის თვალსაზირისით ფეხბურთელებმა საკმაოდ საინტერესოდ ითამაშეს. ეს ალბათ უფრო იმის დამსახურება იყო, რომ გუნდს მოსამზადებლად მთელი კვირა ჰქონდა. გამოჩნდნენ ახალი სახეები, რომლებმაც გუნდში ახალი სისხლი შემოიტანეს. ვიტყოდი, ბოლო წლის განმავლობაში ეს ჩვენი ერთ-ერთი საუკეთესო თამაში იყო. სამ დღეში კიდევ ერთი მატჩი გვაქვს და ვიმედოვნებ, რომ ისევ კარგად ვითამაშებთ…
ეგოიანს დიდი ხანია ვაკვირდებით, უბრალოდ, გვინდოდა, კლუბში სრული სეზონი ჩაეტარებინა. დღეს ისე ითამაშა, თითქოს, დებიუტანტი კი არ იყო, არამედ ჩვენთან ერთად დიდი ხანია არის. ქოჩორაშვილთან, კიტეიშვილთან და ჩაკვეტაძესთან ერთად გვჭირდება მისი თვისებების მქონე ფეხბურთელი. მას ეტყობა დასავლური, ამ შემთხვევაში ნიდერლანდური ფეხბურთის სკოლა…
როგორც ვთქვი, მთლიანობაში გუნდის თამაში მომეწონა, სხვებთან ერთად მამაგეიშვილიც, რომელიც მარტივად ეჩვევა ახალ პოზიციას. ის არ არის ამ პოზიციაზე სათამაშოდ დაბადებული, მაგრამ სწავლობს და ადვილად ახერხებს ადაპტაციას…
ბოლო ოთხი წლის განმავლობაში დაცვის ცენტრში დავკარგეთ ხოჭოლავა, კვირკველია, გველესიანი, ახლა უკვე კაშიაც, ამიტომ, გასაგებია, რომ დაცვაში დიდი ცვლილებებია. დაკვირვება და თამაში იქნება საჭირო, რათა დავინახოთ, ვინ შეძლებს კაშიას შეცვლას. გვჭირდება ფეხბურთელები, რომლებიც კლუბში კარგ დონეზე ითამაშებენ…
ჩაკვეტაძის მდგომარეობა ჯერ არ ვიცით, სამედიცინო შემოწმების შემდეგ გვეცოდინება მისი მდგომარეობა“.
შეგახსენებთ, 5 ივნისს, საქართველოს ნაკრები კიდევ ერთ ამხანაგურ მატჩს გამართავს და ბაჰრეინის ეროვნულ გუნდს გაეჯიბრება.
