თბილისს ფიფასა და უეფას მაღალჩინოსნები სტუმრობდნენ

საქართველოს ფეხბურთის ფედერაციას (სფფ) სამუშაო ვიზიტით მყოფ მსოფლიოს მინი-ფეხბურთის ფედერაციის პრეზიდენტი ფილიპ ჯუდა და ევროპის მინი-ფეხბურთის ფედერაციის პრეზიდენტი, პეტერ კრალიკი სტუმრობდნენ. სამუშაო ვოზიტის ფარგლებში სტუმრები სფფ-ს ვიცე-პრეზიდენტ ზაზა ზამთარაძეს და სფფ-ის ტექნიკური დირექტორ გოჩა თამაზაშვილს შეხვდნენ. შეხვედრას ასევე ესწრებოდა საქართველოს მინი-ფეხბურთის ასოციაციის პრეზიდენტი ოთარ აბულაძე.

გაცნობითი ხასიათის შეხვედრაზე განხილვის მთავარი თემა საქართველოში მინი ფეხბურთის განვითარების ტემპები და სამომავლო პერსპექტივები იყო.

საქართველოს მინი-ფეხბურთის ნაკრები აქტიურად მონაწილეობს საერთაშორისო ტურნირებში. საქართველოს ეროვნულმა გუნდმა, რომელიც ამჟამად მსოფლიო რეიტინგის მე-14 საფეხურზეა, უკვე იასპარეზა მსოფლიოს სამ და ევროპის ორ ჩემპიონატზე.

შეხვედრაზე ასევე ყურადღება გამახვილდა საერთაშორისო მაღალი რანგის ტურნირების საქართველოში ჩატარების პერსპექტივაზე, მათ შორის, 2028 წლის ევროპის ჩემპიონატის მასპინძლობის შესაძლებლობაზე.