იბერია სლოვანთან დამარცხდა

თბილისის იბერია უეფას ჩემპიონთა ლიგის საკვალიფიკაციო ეტაპის მატჩში ბრატისლავას სლოვანთან დამარცხდა.

საქართველოს ჩემპიონმა ,,მიხეილ მესხის” სტადიონზე 0:2 წააგო.

იბერიამ მატჩი კარგად დაიწყო და მეხუთე წუთზე გოლიც გაიტანა.
ანდრია ბართიშვილის გადაცემით ვახო ბედოშვილმა იხეირა.
გოლი ,,VAR”-ზე გადამოწმდეს და თამაშგარის მოტივით გაუქმდა.

სტუმრები 25-ე წუთზე ანდრას სპორარის გოლით დაწინაურდნენ.
სლოვენიელმა ანგოლელი სანდრო კრუზის კუთხურიდან ჩაწოდებული ბურთი მეტოქის კარში თავით შეაგდო.

32-ე წუთზე ალასანა ირაჯანგიმ ულამაზესი გოლი გაიტანა.
გამბიელმა ფეხბურთელმა მაკარიძეს გოლი მაკრატელა დარტყმით გაუტანა.

63-ე წუთზე იბერიას გოლი კიდევ ერთხელ არ ჩაითვალა.
ამ შემთხვევაშიც მსაჯებმა თამაშგარე დააფიქსირეს.
გადაცემის მომენტში გიორგი ქობულაძე სლოვანის მცველებზე წინ იყო.

სკოვაკურმა კლუბმა შეხვედრა გამარჯვებამდე მიიყვანა და განმეორებითი შეხვედრის წინ კარგი უპირატესობა შეიქმნა.

ამ გუნდების საპასუხო მატჩი 29 ივლისსა დანიშნული.

ჩემპიონთა ლიგა
მეორე საკვალიფიკაციო ეტაპი
პირველი მატჩი
თბილისი, ,,მიხეილ მესხი”
იბერია 1999 (საქართველო) 0:2 სლოვანი (სლოვაკეთი)
25′ სპორარი (0-1), 32′ ირაჯანგი (0-2)