კალანდაძის 28 ქულა და მეორე გამარჯვება

საქართველოს ქალ ფრენბურთელთა ნაკრებმა  ევროპის ვერცხლის ლიგის  წლევანდელ გათამაშებაში მეორე გამარჯვება მოიპოვა.  ჩვენმა გუნდმა თბილისის ოლიმპიურ სასახლეში გამართულ მატჩში ლუქსემბურგი 3:2 დაამარცხა.

გამორჩეული შეხვედრა ჩაატარა საქართველოს ნაკრების ლიდერმა ანა კალანდაძემ, რომელმაც 28 ქულა მიითვალა და  გამარჯვების მომტანი ქულა ეისით მოიპოვა.  გუნდს 20 ქულა მოუტანა მაგდა კობაიძემ. მარიამ გაფრრინდაშვილს 13, ხოლო – მარიამ მუშკუდიანს 12 ქულა მოუგროვდა.

სამი ჩატარებული მატჩის შემდეგ, საქართველოს ნაკრებს 2 გამარჯვება, 1 მარცხი აქვს და სატურნირო ცხრილში  5 ქულით მეოთხე ადგილზეა.  მომდევნო  შეხვედრას ქართველი გოგოები 8 ივნისს ლატვიის წინააღმდეგ გამართავენ.