კაშია: თურქებთან მარცხი ორმაგად გვაღიზიანებს

საქართველოს ნაკრების კაპიტანმა გურამ კაშიამ თურქეთთან წაგებული შეხვედრა (2:3) შეაფასა.

„ძალიან ცუდად შევედით თამაშში. ორი გოლი სტანდარტულიდან მივიღეთ და ფაქტობრივად, თვითონ მოვიგონეთ გაშვებული ბურთები. სამწუხაროდ, მესამე გოლი ჩემ შეცდომას მოჰყვა. როცა ანგარიში 0:3 გახდა, ამის შემდეგ ვითამაშეთ უფრო გამართულად, მაგრამ ასეთ შედეგზე თამაში დაწყება უკვე ძალიან გვიანია. გული მწყდება, რადგან ამდენი შეცდომით ასეთი მნიშვნელოვანი მატჩი წავაგეთ. ბულგარეთთან შეხვედრას სხვაგვარად უნდა შევხვდეთ, არ შეიძლება ისევ ასე ჩავარდნილი დასაწყისი გვქონდეს“, – აღნიშნა კაშიამ.

მისივე თქმით, მიუხედავად იმისა, რომ ეს მხოლოდ საკვალიფიკაციო ეტაპის პირველი თამაში იყო, მას გადამწყვეტი მნიშვნელობა ჰქონდა.

„თურქეთს მეორე ადგილისთვის მთავარ კონკურენტად ვთვლით და ამიტომ ეს მარცხი ორმაგად გვაღიზიანებს. თუ ჯგუფში შანსების შენარჩუნება გვინდა, 7 სექტემბერს ბულგარეთთან აუცილებლად უნდა მოვიგოთ და შემდეგ ეტაპობრივად მოვემზადოთ დარჩენილი თამაშებისთვის,“ – დაამატა ნაკრების კაპიტანმა.

საქართველოს ნაკრები ბულგარეთს თბილისში, 7 სექტემბერს დაუპირისპირდება.