კვარაცხელია: ჩემპიონთა ლიგის მეორედ მოგება?

პარიზის „პარკ დე პრენსზე“ გამართული ჩემპიონთა ლიგის შეხვედრის შემდეგ, სადაც პარი სენ-ჟერმენმა ატალანტა 4:0 დაამარცხა და ხვიჩა კვარაცხელიამ ეფექტური გოლი გაიტანა, ქართველმა ვარსკვლავმა Sky Sport-თან საკუთარ შთაბეჭდილებებზე ისაუბრა.

„რა თქმა უნდა, თამაში შემეძლო და მიხარია, რომ გოლიც გამოვიდა ლამაზი. მცირე ტრავმა მაწუხებდა, მაგრამ ექიმებმა შესანიშნავი სამუშაო გააკეთეს და ბოლომდე მზად ვიყავი. სასიამოვნოა, როცა გუნდის დახმარება შეგიძლია,“ – აღნიშნა კვარაცხელიამ.

რაც შეეხება პსჟ-ს მიზნებს, კვარამ ჩემპიონთა ლიგის მეორედ მოგებაზე ისაუბრა:

„ვიცით, რომ ზედიზედ ტიტულის მოპოვება ურთულესია, მაგრამ ფეხბურთში ყველაფერი ხდება. საჭიროა მაქსიმალური კონცენტრაცია ყველა მატჩზე. ჩვენ გვინდა კონკურენცია საუკეთესოებთან და ბოლომდე ვიბრძოლებთ,“ – განაცხადა ქართველმა შემტევმა.

ჟურნალისტის კითხვაზე, თუ ვისთან სურს ფინალში დაპირისპირება, კვარაცხელიამ ასე უპასუხა:

„განსაკუთრებულს ვერაფერს ვიტყვი, რადგან ჩემპიონთა ლიგაზე ყველა კლუბი ძლიერია. მთავარი ჩვენთვის ის არის, რომ საკუთარი თამაში ვითამაშოთ. თუ 90 წუთის განმავლობაში ყურადღებას არ მოვადუნებთ, ყოველთვის გვაქვს გამარჯვების შანსი.“

პარი სენ-ჟერმენის მომდევნო მატჩი 21 სექტემბერს მარსელთან ფრანგული ლიგა 1-ის ფარგლებშია დაგეგმილი, ხოლო პირველ ოქტომბერს ჩემპიონთა ლიგაზე პსჟ კატალონიის ბარსელონას ეწვევა.