მიქაუტაძით ინგლისური გრანდი ინტერესდება 

გიორგი მიქაუტაძის მიმართ ინტერესს ლონდონის ტოტენჰემი იჩენს. ბრიტანული მედიის ცნობით, ინგლისური კლუბი მომავალი სატრანსფერო ფანჯრისთვის თავდასხმის ხაზის გაძლიერებაზე მუშაობს და ერთ-ერთ მთავარ კანდიდატად ქართველი ფორვარდი განიხილება.

წყაროების ინფორმაციით, ტოტენჰემი მზად არის ვილიარეალს დაახლოებით 60 მილიონი ევრო შესთავაზოს. ეს თანხა ორჯერ აღემატება იმ თანხას, რაც ესპანურმა კლუბმა გასულ ზაფხულს ფეხბურთელის შესაძენად გადაიხადა.

მიქაუტაძემ ჩემპიონთა ლიგაზე დებიუტი სწორედ ტოტენჰემის წინააღმდეგ აღნიშნა. ლა ლიგის მიმდინარე სეზონში კი ვილიარეალი მტკიცედ ასპარეზობს — შვიდი ტურის შემდეგ გუნდს 16 ქულა აქვს და მესამე პოზიციაზე იმყოფება. ქართველმა თავდამსხმელმა ახალ კლუბში ჩატარებულ ხუთ მატჩში გოლის გატანა და საგოლე გადაცემის გაკეთება უკვე შეძლო.

ტოტენჰემის მხრიდან აღნიშნული ინტერესი ადასტურებს, რომ გიორგი მიქაუტაძე ევროპის წამყვან ჩემპიონატებში ერთ-ერთ ყველაზე პერსპექტიულ ფორვარდად განიხილება.