ნიკა ამაშუკელი საუკეთესო ათეულშია

ბრიტანულმა სარაგბო გამოცემა Ruck.co.uk-მა მსაჯების საუკეთესო ათეული შეადგინა, რომელშიც ქართველი არბიტრი ნიკა ამაშუკელი მე-6 ადგილზე დაასახელა.

„ნიკა ამაშუკელის კარიერა გამორჩეულია გამძლეობითა და პროფესიონალიზმით. დღესდღეობით ის საქართველოს სახელს საერთაშორისო არენაზე ღირსეულად წარდგენს.

გულშემატკივრები და სპეციალისტები განსაკუთრებით აფასებენ ამაშუკელის კეთილსინდისიერებასა და თამაშის ღრმა ცოდნას. გულწრფელმა კომუნიკაციამ და სიმამაცემ ქართველ არბიტრს მოთამაშეების და გულშემატკივრების პატივისცემა მოუტანა“, – ასე ახასიათებს გამოცემა ამაშუკელს.

საუკეთესო მსაჯთა ათეული ასე გამოიყურება:

1. ბენ ოკიფი (ახალი ზელანდია)

2. ნიკ ბერი (ავსტრალია)

3. ანგუს გარდნერი (ავსტრალია)

4. ლუკ პირსი (ინგლისი)

5. ჰოლი დევიდსონი (შოტლანდია)

6. ნიკა ამაშუკელი (საქართველო)

7. ჯეიმს დოლმენი (ახალი ზელანდია)

8. სარა კოქსი (ინგლისი)

9. მაიკ ადამსონი (შოტლანდია)

10. კარლ დიქსონი (ინგლისი)