ნიკოლოზ ბასილაშვილის ფრანგული ფინალი

საფრანგეთის ქალაქ ბორდოში დასრულებული ჩელენჯერის ტურნირი მეტნაკლებად წარმატებული გამოდგა ნიკოლოზ ბასილაშვილისვის. ქართველმა ჩოგბურთელმა, რომელიც არც ისე შორეულ წარსულში მსოფლიო რეიტინგის ოცეულში შედიოდა, ოთხი მატჩი მიჯრით მოიგო და ფინალამდე გააღწია.

ჩვენებური მეჩოგნის პირველი მსხვერპლი საკმაოდ გამოცდილი ესპანელი ალბერტ რამოს-ვინოლასი გამოდგა (6:2, 6:2), შემდეგ მასპინძელი კვენტინ ჰალისი ორ სეტში (7:6, 7:6) დაიბრიყვა, მეოთხედფინალში იაპონური წარმოშობის ამერიკელ ჩოგბურთელ ბრენდონ ნაკაშიმას დაძაბულ დაპირისპირებაში სამ სეტში (6:2, 6:7, 6:3) აჯობა, ხოლო ნახევარფინალში ნიდერლანდელი ტელონ გრიქსპურის ბარიერი დაძლია.

ფინალურ დაპირისპირებაში, ნიკოლოზ ბასილაშვილის პირისპირ, ბადის მეორე მხარეს, ფრანგი ჯოვანი პარიკარი დადგა. 21 წლის მასპინძელმა მეჩოგნემ, რომელიც ამჟამად კლასიფიკაციის 32-ე ნომერია ბასილაშვილს დრამატულ თრილერში (6:3, 6:7, 7:) აჯობა და ბორდოს ჩელენჯერის საჩემპიონო ჯილდოსაც დაეუფლა.