რატომ უნდა მოიგოს ხვიჩამ ოქროს ბურთი – იტალიელი ჟურნალისტის სტატია

წელს ოქროს ბურთზე საკმაოდ დიდი კონკურენციაა, თუმცა ერთი რამ პრაქტიკულად გადაწყვეტილია – წელს ოქროს ბურთს ისეთი ფეხბურთელი დაეუფლება, რომელსაც ეს ჯილდო აქამდე არ მოუგია.

ამ ეტაპზე ყველაზე პრესტიჟული ინდივიდუალური ჯილდოს მოგების მთავარ პრეტენდეტებად ლამინე იამალი, უსმან დემბელე და რაფინია მიიჩნევიან, თუმცა ვხვდებით სხვა ფეხბურთელებსაც, მათ შორის ხვიჩა კვარაცხელიას.

იტალიური გამოცემა “ულტრა ნაპოლის” რედაქტორი ჯენარო მონტუორი მიიჩნევს, რომ ოქროს ბურთს სწორედ ქართველი იმსახურებს:

“ხვიჩამ სეზონი ბრწყინვალედ დაიწყო ნაპოლიში და შემდეგ ასევე კარგად გააგრძელა პსჟ-შიც. მიმაჩნია, რომ ის ოქროს ბურთს იმსახურებს – 2 ქვეყნის ჩემპიონი, ჩემპიონთა ლიგისა და საფრანგეთის თასის გამარჯვებული.

მართალია, მან სერია ა-ს ოქროს მედალი ვერ მიიღო, თუმცა პსჟ-ში გადასვლამდე უმნიშვნელოვანესი გოლები და საგოლე პასები გააკეთა, რითიც ნაპოლის ჩემპიონობაში დიდი წვლილი შეიტანა. თუ მას იტალიაში ჩამოსვლა მოუწევს, ნეაპოლელებისთვის მადლობის გადახდა არ უნდა დაავიწყდეს”, – განაცხადა მან.