რა ქულებით შეფასდნენ ქართველები ლიონი VS მეცის თამაშში?

საფრანგეთის ჩემპიონატის მე-2 ტურში ლიონმა საკუთარ არენაზე მეცი 3:0 დაამარცხა. შეხვედრა განსაკუთრებულად მნიშვნელოვანი იყო ქართული ფეხბურთის გულშემატკივრებისთვის: ფრანგული ელიტის მატჩში ერთდროულად სამი ქართველი ფეხბურთელი ვიხილეთ – გიორგი მიქაუტაძე, გიორგი წიტაიშვილი და გიორგი აბუაშვილი. მსგავსი შემთხვევა ლიგა 1-ში აქამდე არ დაფიქსირებულა.

მეცის მთავარი მწვრთნელის, სტეფან ლე მინიანის, გადაწყვეტილებით, 62-ე წუთზე მოედანი დატოვეს წიტაიშვილმა და აბუაშვილმა. წიტაიშვილი შეტევაში აქტიურად ჩაერთო და ერთხელ კარისკენაც დაარტყა, ხოლო აბუაშვილმა საიმედო მონაცემები აჩვენა – ბურთს 47-ჯერ შეეხო და 27-ვე გადაცემა ზუსტად შეასრულა, მათ შორის ერთი განსაკუთრებით სახიფათო იყო.

რაც შეეხება მიქაუტაძეს, ის მატჩის ბოლომდე დარჩა მოედანზე და რამდენჯერმე გოლის გატანის შანსიც ჰქონდა, თუმცა მის მცდელობებს ლიონელთა მეკარე დაუხვდა.

საბოლოოდ, სტატისტიკურად ფეხბურთელთა შეფასებები ასე განაწილდა: მიქაუტაძე – 7.1, აბუაშვილი – 6.5, წიტაიშვილი – 5.8.