“როდესაც აქ ჩამოვედი ბავშვი ვიყავი, ახლა კი მივდივარ, როგორც…” – ქოჩორაშვილი

საქართველოს ნაკრების ფეხბურთელმა გიორგი ქოჩორაშვილმა ესპანური ლევანტეს მაისურით ბოლო მატჩი ჩაატარა, რის შემდეგაც კლუბის გულშემატკივრებსა და თანაგუნდელებს ემოციური მიმართვა გაუკეთა:

“მადლობას ვუხდი სრულიად ლევანტეს! თქვენ მე ხელგაშლილებმა მიმიღეთ. როდესაც აქ 19 წლის ასაკში ჩამოვედი, ბავშვი ვიყავი, ახლა კი მივდივარ, როგორც კაცი. დიდი მადლობა ქომაგებს! არ მინდა ეს დამშვიდობებად ჩათვალოთ, მინდა გითხრათ, მომავალ შეხვედრამდე. მადლობას ვუხდი თანაგუნდელებსაც, რომლებიც ვარჯიშებზე ჩემს მიერ განხორციელებულ ფეხებში ვარდნებს უძლებდნენ.

მადლობა მთავარ მწვრთნელსა და სრულიად სამწვრთნელო შტაბს, რომლებიც ბოლომდე გვერდში მედგნენ. და რასაკვირველია მადლობას ვუხდი ჩემი ოჯახის წევრებს, რომელთა გარეშეც არაფერი მოხდებოდა”.

ლა ლიგა 2-ის დასკვნით ტურში ლევანტემ ეიბარი 1:0 დაამარცხა (გიორგი შეცვლაზე 85-ე წუთზე გამოჩნდა), პირველი ადგილი დაიკავა და მომავალ სეზონში ლა ლიგაში ითამაშებს. ქოჩორაშვილი კი კარიერას უკვე პორტუგალიურ გრანდში – ლისაბონის სპორტინგში გააგრძელებს.

გასულ სეზონში ქართველმა ნახევარმცველმა 6 გოლი გაიტანა და 4 საგოლე გადაცემა შეასრულა, რითიც ლევანტეს ლა ლიგაში დაბრუნებაში დიდი წვლილი შეიტანა.