საქართველოს თასის სამი მეოთხედფინალისტი ცნობილია

27 ივლისს, საქართველოს თასის მერვედფინალური ეტაპის თამაშები გაიმართა და საბოლოოდ სამი მეოთხედფინალისტი გუნდი გამოიკვეთა.

ტყიბულის მეშახტე – მარტვილის მერანი 3:1

ტყიბულში გამართულ შეხვედრაში ანგარიში სტუმრებმა გახსნეს — მე-14 წუთზე ზვიად სიხარულიამ მარტვილელები დააწინაურა. მასპინძლებმა ტაიმის ბოლოს, 45+2 წუთზე, ემანუელ ფობის გოლით გაათანაბრეს. მეორე ტაიმში მეშახტემ უპირატესობა მოიპოვა – 59-ე წუთზე კვამე ასამოამ ტყიბულელები დააწინაურა, ხოლო 91-ე წუთზე დავით ნაჭყებიამ საბოლოო ანგარიში დააფიქსირა – 3:1.

ოდიში 1919 – სამტრედია 0:3

ზუგდიდში, მესამე ლიგის წარმომადგენელმა ოდიშმა ეროვნული ლიგა 2-ის კლუბ სამტრედიას უმასპინძლა და დიდი ანგარიშით დამარცხდა. გოლები თამაშის მეორე ნახევარში გავიდა – 64-ე წუთზე ჯუბა დვალიშვილმა ანგარიში გახსნა, 68-ე წუთზე იულენ კორდერომ სხვაობა ორამდე გაზარდა, ხოლო 93-ე წუთზე რუბენ გაუტომ მატჩს წერტილი დაუსვა – 0:3.

ლოკომოტივი – შტურმი 2:1

თბილისის ლოკომოტივი სტუმრად სართიჭალის შტურმს დაუპირისპირდა. ანგარიში მასპინზლებმა გახსნეს, გიორგი გვასალიამ 28-ე წუთზე მისი გუნდი დააწინაურა. ლოკომოტივმა მეორე ტაიმში მოახერხა შეხვედრის შემოტრიალება: 48-ე წუთზე სანდრო იაშვილმა გაათანაბრა, ხოლო 52-ე წუთზე ნიკოლოზ ყველაშვილმა გამარჯვების გოლი გაიტანა – 2:1.