შვიდკაცას შემადგენლობა ხორვატიისთვის

2025 წლის რაგბი ევროპის  ჩემპიონატის პირველი ეტაპისთვის მზადების ბოლო ეტაპს საქართველოს შვიდკაცა ნაკრები შევარდენის სანაკრებო ბაზაზე გადის. გუშინ და დღეს ნაკრებმა არმიასთან სპარინგ მატჩები გამართა და გაირკვა იმ 13 მორაგბის ვინაობა, რომლებიც ხორვატიაში ითამაშებენ.

ნაკრებს ტრავმების გამო აიელები – ირაკლი სიმსივე და თემურ კოხოძე გამოაკლდნენ. ევროპის ჩემპიონატზე პირველად იქნებიან ტაოს და ხვამლის მორაგბეები – გიორგი ნავროზაშვილი და გიგა ყიფშიძე.

შვიდკაცა რაგბის ევროპის ჩემპიონატის პირველ ეტაპს ხორვატიის საკურარტო ქალაქი მაკარსკა 13-15 ივნისის ჩათვლით უმასპინძლებს. გია ლაბაძისა და ბესიკ  ხამაშურიძის გუნდი B ჯგუფში იასპარებს, სადაც მეტოქეები ირლანდია, ბელგია და ჩეხეთი იქნებიან. A ჯგუფში საფრანგეთი, იტალია, ესპანეთი, შვედეთი ითამაშებენ, ხოლო C ჯგუფში -გერმანია, პორტუგალია, დიდი ბრიტანეთი და ლიეტუვა.

საქართველოს ნაკრები მაკარსკას ეტაპზე ასეთი შემადგენლობით გაემგზავრება:

ნიკოლოზ რეხვიაშვილი, გიორგი გამყრელიძე, სოსო მათიაშვილი (ყველა ყოჩები), ლევან ნარიმანიძე (ხარები), გიგი ყიფშიძე (ხვამლი), ლუკა ალიბეგაშვილი, დავით იმნაძე (ორივე ყაზბეგი), საბა არჩვაძე, გაგა ქევხიშვილი,  სანდრო დარძულიძე (ყველა ლელო), გიორგი ნავროზაშვილი (ტაო), ვაჟა მიქაძე, სერგი ჩხაიძე (ორივე ბათუმი).