შვიდკაცა და შვიდქალა საფრანგეთში ითამაშებენ

საქართველოს შვიდქალა და შვიდკაცა ნაკრებები საფრანგეთში გაემგზავრნენ, სადაც ქალაქ ჰაგუენაუში მაღალი დონის მოსამზადებელ ტურნირებში ითამაშებენ.

ქალთა ტურნირში რვა გუნდი იღებს მონაწილეობას. საქართველო A ჯგუფში პოლონეთთან, დანიასთან და წვეულ გუნდ R10 Selects-თან ითამაშებს. პოლონეთიც და დანიაც რაგბი ევროპის ჩემპიონატის მონაწილეები არიან, R10 Selects კი პერიოდულად იკრიბება. სხვადასხვა დროს მის რიგებში 35 ქვეყნის წარმომადგენელს უთამაშია; B ჯგუფში ბელგია, ჩეხეთი, კანადა და გერმანია ითამაშებენ.

29 მაისს ჯგუფური ეტაპის შეხვედრები გაიმართება. ჯგუფebში პირველ-მეორე ადგილზე გასული გუნდები თასის, ხოლო მესამე-მეოთხე ადგილოსნები მეხუთე ადგილის ნახევარფინალში გადიან. ნახევარფინალები და ფინალები 30 მაისსაა დაგეგმილი.

შვიდკაცა ტურნირში 12 გუნდი თამაშობს. საქართველო A ჯგუფში იტალიასთან, ჩინეთთან და პასიფიკ ტოასთან ითამაშებენ. ტოა საფრანგეთში მოთამაშეებისგან დაკომპლექტებული წყნარი ოკეანის ნაკრებია. B ჯგუფში რასინგი, R10 Selects, მაროკო და საფრანგეთის Classics მოხვდნენ; ხოლო G ჯგუფში ახალი ზელანდია, ბელგია, გერმანია და რეგიონის „ოლ სთარი“.

აქვე ჩვენი გუნდების შემადგენლობები:

საქართველოს შვიდკაცა ნაკრები

ზურა ძნელაძე, გაგა ქევხიშვილი, ნიკოლოზ რეხვიაშვილი, მატის მოდებაძე, იაგო ხაბულიანი, ლუკა ალიბეგაშვილი, ოთარ მეტრეველი, კლავდიუს ხუციშვილი, ლაშა ბარბაქაძე, საბა არჩვაძე, გიორგი ბაბუნაშვილი, ნიკოლოზ ნოქარაშვილი, ლაშა კაკაურიძე.

საქართველოს შვიდქალა ნაკრები

ნათია გავაშელიშვილი, სალომე მაკასარაშვილი, ნინო წიკლაური, ლიკა ხუფენია, ანა დათიაშვილი, ანა კაპანაძე, ანა ხაბულიანი, სალომე ჩხაიძე, თეონა ჩიტაიშვილი, მანონი საღარაძე, ნინო მელუა, კირა დანელია, თამარ მანაგაძე, მარიამ ბერანძე.