ცნობილია – რა გეგმები აქვს ლივერპულს მამარდაშვილთან დაკავშირებით

გიორგი მამარდაშვილის ლივერპულში ტრანსფერი ჯერ კიდევ გასულ ზაფხულს დადასტურდა, თუმცა ქართველმა მეკარემ კიდევ 1 სეზონი იჯარით ვალენსიაში გაატარა.

ქართველ მეკარეს ესპანეთში Geo Team ეწვია და თავის კარიერაზე ბევრი კითხვა დაუსვა, მათ შორის კი მის მერსისაიდულ მომავალზე:

“როდესაც ლივერპულის მხრიდან ინტერესზე გავიგე, პირველ რიგში, ვიკითხე, რა გეგმები ჰქონდათ ჩემთან დაკავშირებით, მათ კი მიპასუხეს, რომ მომავალი 10 წლის განმავლობაში ლივერპულის ძირითად მეკარედ განმიხილავდნენ

შემდეგ სეზონშიც იჯარის წესით წასვლას არ ვაპირებ, უკვე ლივერპულის რიგებში ვიქნები. ისევე 100%-ით დავიხარჯები, როგორც ვალენსიაში, ვიმუშავებ ჩემს თავზე. ალისონთან ვარჯიში ძალიან დამეხმარება”, – განაცხადა გიორგიმ.

მიუხედავად ამისა, გუნდი ჯერ არ დაუტოვებია ალისონ ბეკერს და დიდი შანსია, გიორგის ალისონის კონტრაქტის ამოწურვამდე ბრაზილიელ ვარსკვლავთან მოუწიოს კონკურენცია.