ხვიჩა კვარაცხელია ჩემპიონთა ლიგის გამარჯვებულია

დღევანდელი ჩემპიონთა ლიგის ფინალი კიდევ ერთ მნიშვნელოვან მოვლენას ჩაწერს ისტორიაში — ხვიჩა კვარაცხელია გახდა პირველი ქართველი ფეხბურთელი, რომელმაც ყველაზე პრესტიჟული საკლუბო ტურნირის ფინალში გოლი გაიტანა. ეს გოლი 73-ე წუთზე უსმან დემბელეს შესანიშნავ პასს მოჰყვა, რაც ქართული ფეხბურთისთვის მნიშვნელოვანი მოვლენაა.

სინამდვილეში, მატჩის კულმინაცია სწორედ ეს გოლი არ იყო, რადგან პსჟ-მ დამაჯერებლად, მონსტრულად ითამაშა და ინტერი სრულიად გაანადგურა – 5:0 სუფთა გამარჯვება და სრული დომინირება ალიანც არენაზე.

პირველი გოლი მე-12 წუთზე გავიდა. დეზირე დუემ ასისტი გაუკეთა ახრაფ ჰაკიმის, რომელმაც ზუსტად დაარტყა და გაიტანა. მალევე, მე-17  წუთზე დუემ თავად შეაგდო. პირველი ტაიმის ბოლოს, 42-ე წუთზე, დუემ კიდევ ერთხელ გაიტანა ზუსტი დარტყმით და დუბლი შეასრულა.

მეორე ტაიმში პსჟ-მ უპირატესობა შეინარჩუნა: 65-ე წუთზე ხვიჩა კვარაცხელიამ დემბელეს პასით გაიტანა და ისტორია დაწერა – კვარა პირველი ქართველი გახდა, რომელმაც ჩემპიონთა ლიგის ფინალში გოლი შეაგდო. საბოლოო ანგარიში 78-ე წუთზე სენი მაიულუმ დააფიქსირა.

საინტერესო ფაქტები:

დეზირე დუე გახდა ყველაზე ახალგაზრდა ფეხბურთელი, რომელმაც ჩემპიონთა ლიგის ფინალში გოლი გაიტანა და საგოლე პასიც გააკეთა – 19 წლის და 362 დღის.

პსჟ-მ პირველი ტაიმის განმავლობაში მეტოქის კარის მიმართულებით 13 დარტყმა შეასრულა – ეს ერთ-ერთი საუკეთესო შედეგია ფინალების ისტორიაში.

ლუის ენრიკე გახდა მე-6 მწვრთნელი, რომელმაც ჩემპიონთა ლიგა ორი სხვადასხვა გუნდით მოიგო.

პარიზელების შემადგენლობა ფინალში ყველაზე ახალგაზრდული იყო ამ საუკუნეში — საშუალო ასაკი 25 წელი და 96 დღე.

ხვიჩა კვარაცხელია და მისი თანაგუნდელები დღეს მონსტრების მსგავსად გამოვიდნენ მოედანზე — სრული კონტროლი, სწრაფი ტემპი და უპრეცედენტო შედეგი.