ჯორდან ჰენდერსონი გაარისტოკრატდა

ინგლისელი ფეხბურთელი ჯორდან ჰენდერსონი კარიერას ლონდონის ჩელსიში გააგრძელებს. 36 წლის ნახევარმცველმა ,,არისტოკრატებთან” ხელი ორწლიან კონტრაქტს მოაწერა.

ლივერპულის ლეგენდა ჰენდერსონი ბოლოს ბრენტფორდის ღირსებას იცავდა. ჩელსიში კი თავისუფალი აგენტის სტატუსით წავიდა.

კარიერის საუკეთესო წლები ჰენდერსონს ლივერპულში აქვს გატარებული. იგი მერსესაიდელთა გუნდში 2011-2023 წლებში თამაშობდა. ჯორდანმა გუნდის მაისურით 360 შეხვედრა ჩაატარა და 29 გოლი გაიტანა.
,,ბიტლიმანთა ქალაქის” კლუბთან ერთად კი ერთხელ უეფას ჩემპიონთა ლიგა მოიგო, ერთხელ ინგლისის ჩემპიონობა მოიპოვა ასევე თითიჯერ უეფას სუპერთასისა და მსოფლიოს საკლუბო ჩემპიონატის გამარჯვებული გახდა. ჰერდენსონის ჯილდოების კოლექციას ერთი ინგლისის თასი, ორი ინგლისის ლიგის თასი და ერთი ინგლისის სუპერთასიც ამშვენებს.

ჰენდერსონმა კარიერა სანდერლენდში დაიწყო. მას ლივერპულისა და ბრენტფორდის გარდა აიაქსში და აქვს ნათამაშები.

ავტორი: კახა მიხანაშვილი.