ჰენრიკ რიდსტრიომი – ეს მხოლოდ პირველი ტაიმი იყო

ჩემპიონთა ლიგის პირველ საკვალიფიკაციო ეტაპზე, მიხეილ მესხის სტადიონზე თბილისის იბერია 1999 შვედურ მალმიოსთან 1:3 დამარცხდა.

ბუნებრივია, შედეგით კმაყოფილი იყო სტუმართა მთავარი მწვრთელი ჰენრიკ რიდსტრიომი, რომელმაც თავისი შეგირდები კი შეაქო, თუმცა იქვე აღნიშნა, რომ სიფრთხილეს თავი არ სტკივა და ყველაფერი განმეორებით მატჩში გადაწყდება.

„მეტოქეს კარგად არ ვიცნობდით, თუმცა მქონდა ინფორმაცია, რომ იბერია 1999 ასე ვთქვათ სახლის გუნდია და შინაურ კედლებში ხშირად არ აგებს.

შედეგით კმაყოფილი ვარ, თუმცა რაღაცეების გამოსწორება გვმართებს. არის დეტალები, რომლებიც ნაკლებად მომწონს და მის აღმოსაფხვრელად უნდა ვიზრუნოთ.

მატჩის მიწურულს გოლის გაშვებამ გამაბრაზა. იმ ეპიზოდში დაცვაში უფრო ყურადღებით უნდა ვყოფილიყავით, თუმცა მატჩის წინ ამ შედეგზე დაუფიქრებლად მოვაწერდი ხელს.

ეს ჯერ მხოლოდ პირველი ტაიმი იყო. წინ განმეორებითი მატჩია და ყველაფერი იქ გაირკვევა. შინ დაცვითი თამაში და ანგარიშის შენარჩინებაზე ფიქრი არ უნდა დავიწყოთ. შემტევი ფეხბურთი უნდა ვაჩვენოთ“ – აღნიშნა მალმიოს დამრიგებელმა.

შვედეთის და საქართველოს ჩემპიონებს შორის განმეორებითი დაპირისპირება 15 ივლისს გაიმართება.