ტედესკომ ზიდანს აჯობა

ფენერბახჩეს ახალი მწვრთნელის ვინაობა გაირკვა. სტამბოლური კლუბის ხელმძღვანელობა გუნდის დამრიგებლის ძიებაში მას შემდეგ იყო, რაც 29 აგვისტოს თანამდებობიდან ჟოზე მოურინიო გაათავისუფლეს. პორტუგალიელი სპეციალისტის გაშვების მიზეზი ის სტილი გახლდათ, რომლითაც ჟოზე თურქულ კლუბს ათამაშებდა.

ფენერბახჩეს ბოსები ერთ-ერთ კანდიდატად თითქოს ზინედინ ზიდანსაც განიხილავდნენ, თუმცა საბოლოოდ არჩევანი დომენიკო ტედესკოზე შეაჩერეს. იტალიაში დაბადებული და ორი წლის ასაკში გერმანიაში გადაბარგებული 39 წლის ტედესკო სტამბოლურ გუნდთან ორ წლიან კონტრაქტს გააფორმებს. აღნიშნული ინფორმაცია თავად ფენერბახჩეს ხელმძღვანელობამაც დაადასტურა.

დომენიკო ტედესკოს ახალგაზრდული ასაკის მიუხედავად საკმაოდ მრავალფეროვანი სამწვრთნელო ისტორია აქვს. ის სხვადასხვა პერიოდში გერმანულ შალკეს, მოსკოვის სპარტაკს, ბუნდესლიგის მკვიდრ ლაიპციგს და თავად ბელგიის ნაკრებსაც კი ავარჯიშებდა.