10 აგვისტოს გამართულ ბრძოლაში რომან დოლიძე ენტონი ერნანდესს დაუპირისპირდა და მეოთხე რაუნდში წააგო.
თუმცა მედიასა და გულშემატკივრებში განხილვის საგანი არა მხოლოდ ბრძოლა, არამედ UFC-ის მიერ დაშვებული უხეში შეცდომა გახდა. როდესაც დოლიძე ოქტაგონში გამოდიოდა, ეკრანზე მისი წარსადგენი ტექსტი გამოჩნდა, სადაც ეწერა, რომ იგი UFC-ის მხოლოდ სამი ქართველი მებრძოლიდან ერთ-ერთია.
რეალურად კი ამ დროისთვის ორგანიზაციაში 5 ქართველი იბრძვის: ილია თოფურია, მერაბ დვალიშვილი, რომან დოლიძე, გიგა ჭიკაძე და ალექსანდრე თოფურია. უახლოეს მომავალში მათ რიგებს ლევან ჩოხელიც შეუერთდება, რომელმაც უკვე დაადასტურა, რომ დებიუტი სულ მალე ექნება.
