არსენალი ჩემპიონთა ლიგის პირველ მატჩს უდიდესი დანაკლისით ხვდება

ხვალ, ლონდონის არსენალი 2025-26 წლების ჩემპიონთა ლიგის სეზონს ატლეტიკ ბილბაოსთან შეხვედრით გახსნის. “მეთოფეები” აშკარა ფავორიტები არიან, თუმცა გუნდს ბასკების წინააღმდეგ შეხვედრაში ორი წამყვანი ფეხბურთელი — ბუკაიო საკა და მარტინ ოდეგორი ვერ დაეხმარება.

გასულ შაბათ-კვირას, გუნდის კაპიტანმა, მარტინ ოდეგორმა, ნოტინგემ ფორესტთან გამართულ შეხვედრაში მხარი დაიზიანა და ხვალინდელ დაპირისპირებაში მონაწილეობას ვერ მიიღებს. რაც შეეხება ბუკაიო საკას, მას აგვისტოს ბოლოდან ბარძაყის უკანა კუნთის ტრავმა აწუხებს. სწორედ ამ მიზეზით ინგლისელმა ბოლო ექვსი შეხვედრა გამოტოვა და, როგორც ჩანს, გუნდს ვერც ბილბაოსთან დაპირისპირებაშიც დაეხმარება. აღსანიშნავია, რომ ამ შეხვედრას ვილიამ სალიბაც გამოტოვებს.

არსენალის უდიდესი დანაკლისის მიუხედავად, ბილბაოს თავკაცი, ერნესტო ვალვერდე ტურნირის ერთ-ერთ მთავარ ფავორიტებად კვლავ ლონდონელებს მიიჩნევს — “არსენალი ამ მატჩზე სრულადაა კონცენტრირებული. ისინი თავიანთი ტექნიკური და ტაქტიკური შესაძლებლობების წყალობით, ჩემპიონთა ლიგის მოგების ერთ-ერთი ფავორიტები არიან.”

შეხვედრა ხვალ, ესტადიო სან მამეზე, თბილისის დროით 20:45-ზე გაიმართება.