შავი ლომი ახალი სეზონისთვის ემზადება. პირველი ქართული პროფესიონალური ფრენჩაიზი დიდი 10-დან რამდენიმე მორაგბით გაძლიერდა. ორწლიანი პაუზის შემდეგ, გუნდს ბორჯღალოსანი გიორგი ბაბუნაშვილიც დაუბრუნდა.
დიდი 10-ს გამორჩეული მორაგბეების გარდა, საქართველოში დაბრუნდნენ ტყუპი ძმები ლაშა და ბადრი ციხისთავები.
Screenshot
ისინი ბოლოს ფრანგული “ბაიონის” ღირსებას იცავდნენ (ესპუარები)
საქართველოში დაბრუნების შემდეგ, ჩვენ ბადრი ციხისთავს გავესაუბრეთ.
“საფრანგეთში თამაში ჩემთვისაც და ლაშასთვისაც დიდი გამოცდილება იყო. ახალი გარემო, განსხვავებული სათამაშო სტილი, პიროვნულ და პროფესიულ ზრდაში ორივეს ძალიან დაგვეხმარა.
შავ ლომში ბევრი ჩვენი მეგობარი თამაშობს და გუნდთან ადაპტაცის არ გაგვიჭირდება. ძმასთან ერთად თამაში საოცარი გრძნობაა და მჯერა ამ ახალ გამოწვევასაც ერთად გადავლახავთ.” – გვითხრა ბადრი ციხისთავმა
ციხისთავები სარაგბო კლუბ ლელოს აღზრდილები არიან.
