ბრინჯაოს მედლის შანსი

საქართველოს ჯუდოს ახალგაზრდული ნაკრები პოდგორიცაში მიმდინარე ევროპის ჩემპიონატზე ბრინჯაოს მედლისთვის იბრძოლებს. ქართველები მედლისთვის თურქეთს დაუპირისპირდებიან.

საქართველოს ახალგაზრდულმა ნაკრებმა ევროპის ჩემპიონატის პირველ შეხვედრაში მასპინძელი მონტენეგრო 4:2 დაამარცხა.
გამარჯვება გიორგი გიუნაშვილმა, ნინო თათრიშვილმა, ლუკა თევდორაძემ და ნონა კვარაცხელიამ მოიპოვეს.
მარცხი გიორგი ქარჩაიძემ და მარიამ ნათელაურმა განიცადეს.
საქართველომ მეოთხედფინალში გერმანიასთან 2:4 წააგო და რეპეჟაში გადაერთო.
გერმანიასთან გიორგი გიუნაშვილმა და ირაკლი ქავთარაშვილმა გაიმარჯვეს.
ნინო ხარაიშვილი, ნანა გულბიანი, ნონა კვარაცხელია და გიორგი ბენდელიანი კი დამარცხდნენ.

რეპეჟაშში საქართველოს ახალგაზრდულმა ნაკრებმა ხორვატიას 4:2 სძლია.
წარმატებით იასპარეზეს გიორგი გიუნაშვილმა, მარიამ ნათელაურმა, ლუკა თევდორაძემ და ნინო თათრიშვილმა.
ნინი ძაგანიამ და გიორგი ქარჩაიძემ ბრძოლები დათმეს.

ფინალური ბლოკი სტარტს, 17:00 საათზე აიღებს.

ავტორი: კახა მიხანაშვილი.