“ვზეიმობთ, მაგრამ აქვე დაივიწყეთ” – სვანაძის ემოციური მიმართვა

საქართველოს 21-წლამდე ნაკრებმა ევროპის ჩემპიონატის პირველი მატჩი პოლონეთის წინააღმდეგ დამაჯერებლად ჩაატარა და მნიშვნელოვანი გამარჯვება მოიპოვა – 2:1.

მატჩის შემდეგ გუნდის მთავარმა მწვრთნელმა, რამაზ სვანაძემ, თავის შეგირდებს მოტივაციური სიტყვებით გასახდელში მიმართა.

“ჩვენი არჩევანია – ან ამ მოგებით ვამთავრებთ ყველაფერს ან პირიქით, ვუმატებთ და ვუმატებთ, ისე როგორც ეკადრება გუნდს, რომელსაც პრეტენზია აქვს უფრო მეტ რაღაცაზე, ვიდრე თუნდაც ერთი თამაშის მოგებაა.

ეს უკვე წარსულია, მორჩა. არა ხვალიდან, დღეიდან დაიწყეთ მზადება საფრანგეთისთვის. წყნარად, მშვიდად ვზეიმობთ, რა თქმა უნდა, მაგრამ აქვე დაივიწყეთ ეს ყველაფერი, რადგან ურთულესი თამაშია და ყველაზე კარგი რაც არის, როგორც ყოველთვის, ჩვენ დამოკიდებული ვართ ჩვენს თავზე.

გილოცავთ, ჯიგრები ხართ და მადლობა ყველას.”

საქართველო შემდეგ მატჩს 14 ივნისს საფრანგეთის ნაკრების წინააღმდეგ გამართავს. გუნდის მიზანი ჯგუფიდან გასვლაა და სვანაძის სიტყვებიდანაც აშკარაა, რომ ფეხბურთელები წარმატების მიღწევაზე მეტად დიდ მიზნებზე ფიქრობენ.