ვიქტორ კოლელიშვილი: 2007-წელს პატარა საქართველომ ირლანდია მიწაზე დაანარცხა, მჯერა ახლაც შეგვიძლია მოგება

5 ივლისს, საქართველოს მორაგბეთა ნაკრები   2025 წლის ზაფხულის ტესტ-სერიის პირველ მატჩში ირლანდიას უმასპინძლებს. ეს პირველი შემთხვევაა, როდესაც  საქართველოს მსოფლიო რეიტინგს TOP 3-ში შემავალი ნაკრები ესტუმრება. ირლანდიასთან მატჩის მოლოდინებსა და მნიშვნელობაზე Etablo.ge ვეტერან ბორჯღალოსანს,  სარაგბო კლუბ კლერმონის აკადემიის ერთ-ერთ მწვრთნელს,  ვიქტორ კოლელიშვილს ვესაუბრეთ.

“ქართველი გულშემატკივრის წინაშე ყოველი თამაში მნიშვნელოვანია. მნიშვნელობა არ აქვს პირველი დონის გუნდი იქნება, თუ მეორე. ჩემთვის, ირლანდიელები თავიანთი გამართული, დაბალანსებული, სტრუქტურული  თამაშით, მსოფლიო რაგბის გამორჩეული მარგალიტები არიან.

მახსოვს ის დღე, 2007 წლის მსოფლიო ჩემპიონატზე პატარა საქართველომ “დიდი გულით” ირლანდიის ნაკრები  ძირს დაანარცხა. მჯერა, რომ კვაავ შეგვიძლია ირლანდიასთან მედგრად თამაში და მათი დამარცხებაც. თამაშია და ყველაფერი შეიძლება მოხდეს, მაგრამ მჯერა,  არცერთი მორაგბე თავს არ დაზოგავს გამარჯვებისთვის.” – გვითხრა ვიქტორ კოლელიშვილმა

საქართველო-ირლანდიის მატჩი 5 ივლისს, მიხეილ მესხზე, 21:00-ზე გაიმართება.