ივა გელაშვილი კარიერას საბერძნეთში გააგრძელებს

საქართველოს ჩემპიონმა კლუბმა, იბერიამ, ჩემპიონთა ლიგის პირველ საკვალიფიკაციო ეტაპზე შვედურ მალმიოსთან პირველ შეხვედრაში 1:3 წააგო, ხოლო იმ შეხვედრაში გუნდის ერთ-ერთი ლიდერი, ეროვნული ნაკრების მცველი ივა გელაშვილი შეუცვლელად ასპარეზობდა. თუმცა, საპასუხო მატჩში ის გუნდის შემადგენლობაში აღარ იყო – 23 წლის ფეხბურთელი საბერძნეთში, კერძოდ კი პანსერაიკოსში გადაბარგდა.

ევროტურნირების დაწყებამდე იბერიამ ოფიციალურად განაცხადა, რომ ივა გელაშვილი აუცილებლდ დაეხმარებოდა გუნდს, რის შემდეგაც კარიერას სხვაგან გააგრძელებდა.

გელაშვილმა ბერძნულ კლუბთან 2-წლიანი კონტრაქტი გააფორმა. ივამ იბერიას მაისურით 2023 წლიდან 46 შეხვედრაში ითამაშა, 3 გოლი გაიტანა და 1 საგოლე გადაცემა გააკეთა. კარიერის განმავლობაში გელაშვილი თამაშობდა პრაღის სპარტას აკადემიაში, შემდგომ კი საქართველოს რამდენიმე გუნდში სიონში და დინამო ბათუმში. 2023/24 წლების სეზონში იგი იჯარით იტალიურ სპეციაში ასპარეზობდა.

ცნობისთვის, პანსერაიკოსში წინა სეზონში სხვა ქართველიც თამაშობდა – მეკარე ლუკა გუგეშაშვილი, რომელიც ამ ზაფხულს ტესალონიკის პაოკში გადავიდა.